நபிமொழிக்களஞ்சியம் : தினம் சில நபிமொழி ஸஹீஹ் முஸ்லிம்

ஹதீஸ் எண் : 54

“யார் மனதில் அணுவளவு பெருமை இருந்ததோ அவர் சுவனம் புகமாட்டார்” என நபி ஸல்லல்லாஹுஅலைஹி வஸல்லம் அவர்கள் கூறினார்கள்.
“நிச்சயமாக ஒரு மனிதன் தனது உடை அழகாக இருக்க வேண்டும் எனவும் தனது காலணி அழகாக இருக்க வேண்டுமெனவும் விரும்புகிறார்” (அது பற்றி என்ன?) என ஒரு மனிதர் கேட்டார்.
(அதற்கு நபி ஸல்லல்லாஹு அலைஹி வஸல்லம் அவர்கள் நிச்சயமாக அல்லாஹ் அழகானவன். (அவன்) அழகானதையே விரும்புகிறான். பெருமை என்பது அகம்பாவம் கொண்டவன் உண்மையை மறுப்பதும், மனிதர்களைக் கேவலமாக (இழிவாக)க் கருதுவதுமாகும் என்றனர்.
 அறிவிப்பவர் : அப்துல்லாஹ் பின் மஸ்ஊது ரளியல்லாஹ் அன்ஹு.

நல்லறங்களை நாடுவோம்

முன்னொரு காலத்தில் வசதி வாய்ப்பு நிறைந்த ஒருவர் கஷ்ட வாழ்க்கையில் இருப்போரின் கடன்களை தள்ளுபடி செய்து மன்னிப்பவராக இருந்து வந்தார். தம் மக்களையும் அவ்வாறு நடக்க வேண்டும் என்று ஏவிவந்தார். இதனைத் தவிர நல்லறங்களில் வேறு எதனையும் அவர் செய்திராத நிலையில் மரணித்து விட்டார். இவர் விஷயமாக இறைவன்(மலக்குகளிடம்) "இவரை விட மன்னிப்பதற்கு நானே மிக்க தகுதி வாய்ந்தவன். எனவே இவரை விட்டு விடுங்கள்" என்று கூறினான்.

நூல்: முஸ்லீம்

புகழ்வதில் வரம்பு மீறாதீர்!

ஒரு மனிதர் ஒருவரை வரம்பு மீறி புகழ்ந்ததைகச் செவியுற்ற நபி(ஸல்) அவர்கள் நீங்கள் அழிந்து போனீர்கள் என்று கூறினார்கள்.
அபூமூஸா(ரலி) - புகாரி, முஸ்லீம்

புகழ்வதில் வரம்பு மீறாதீர்!

''நீங்கள் வரம்பு மீறி புகழ்வதை அஞ்சிக் கொள்ளுங்கள், இப்படி மிகைப்படுத்தியதுதான் உங்களின் முன் சென்றவர்களை அழித்தது", என நபி(ஸல்) அவர்கள் கூறினார்கள்.
அறிவிப்பவர்: உமர்(ரலி) - நூற்கள்: புகாரி, அஹ்மத்

மர்யமின் மகனை (ஈஸா நபியை) வரம்பு மீறி புகழ்ந்ததைப் போன்று என்னை வரம்ப மீறி புகழாதீர்கள்! நான் (அல்லாஹ்வின்) அடிமையே! எனவே அல்லாஹ்வின் அடிமையென்றும் அவனின் தூதரென்றும் கூறுங்கள்! என நபி(ஸல்) அவர்கள் கூறினார்கள்.
அறிவிப்பவர்: உமர்(ரலி) - நூற்கள்: புகாரி, அஹ்மத்

உன்னுடையது உன்னுடையது எது?

ஆதமுடைய மகன் "என்னுடையது என்னுடையது" என்கிறான் ஆதமுடைய மகனே! நீ உண்டு கழித்ததையும் உடுத்திக் கிழித்ததையும் பிறருக்குக் கொடுத்துக் களித்ததையும் தவிர வேறு எது உன்னுடையது? என்று நபி(ஸல்) கூறினார்கள்.

அப்துல்லாஹ் இப்னுஷ்ஷிக்கிர்(ரலி) : முஸ்லிம்

கீழே உள்ளவர்களைப் பாருங்கள்

"உங்களை விட கீழே உள்ளவர்களைப் பாருங்கள்! உங்களைவிட மேலே உள்ளவர்களைப் பார்க்காதீர்கள். அல்லாஹ் உங்களுக்கு வழங்கிய அருட் கொடைகளை நீங்கள் மறவாமலிருக்க இதுவே ஏற்ற வழியாகும்" என்று நபி(ஸல்) கூறினார்கள்.

அபூஹுரைரா(ரலி) : புகாரி, முஸ்லிம்

بِسْمِ اللَّـهِ الرَّحْمَـٰنِ الرَّحِيمِ ﴿١﴾الْحَمْدُ لِلَّـهِ رَبِّ الْعَالَمِينَ ﴿٢﴾الرَّحْمَـٰنِ الرَّحِيمِ ﴿٣﴾مَالِكِ يَوْمِ الدِّينِ ﴿٤﴾إِيَّاكَ نَعْبُدُ وَإِيَّاكَ نَسْتَعِينُ ﴿٥﴾اهْدِنَا الصِّرَاطَ الْمُسْتَقِيمَ ﴿٦﴾صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ ﴿٧﴾

1.சர்வ புகழும் அல்லாஹ்வுக்கே சர்வ உலகங்களையும் (படைத்து) பரிபாலித்து இரட்சிப்பவன் 2.அளவற்ற அருவற்ற அருளாளன், நிகரற்ற அன்புடையோன். 3.தீர்ப்பு நாளின் எஜமானன். 4.உன்னையே நாங்கள் வணங்குகிறோம்; இன்னும் உன்னிடமே நாங்கள் உதவி தேடுகிறோம். 5.நீ எங்களை நேரான வழியில் நடத்துவாயாக. 6.நீ எவர்களின் மீது அருள் புரிந்தாயோ அவர்கள் (சென்ற) வழி(யில் நடத்துவாயாக!) 7.(உனது) கோபத்திற்குள்ளானவர்களும் வழி தவறியவர்களும் சென்ற வழியல்ல.